Mbledhja e fundit e grupit parlamentar te Partisë Socialiste ka pasur në fokus pikërisht sjelljen e 4 deputeteve socialiste te cilët nuk morën pjese ne seancën e kaluar duke çuar ne mos miratimin e ligjeve qe kërkojnë 84 vota.
Gjatë mbledhjes me dyer të mbyllura, kreu i PS-së, Edi Rama bëri të ditur se, deri në shtator do të përgatitet dhe miratohet një deklaratë me rregulla të qarta për çdo deputet, në mënyre që të mos thyhet vendimi i grupit siç ndodhi javën e shkuar.
Gjithashtu Rama ka paralajmëruar se, katër ministrat Bushati, Gjiknuri, Tahiri dhe Cani duhet të lënë mandatin e deputetit brenda kësaj jave, pasi të gjithë ministrat e tjerë e kanë dorëzuar tashmë, raporton "Vizion+".
Por, pas largimit të kryeministrit Rama, mbledhja ka vazhduar nën drejtimin e kreut të grupit, Gramoz Ruçi dhe objekt debati ka qenë pikërisht Garda e Republikës.
