Partia Demokratike ka denoncuar vendimin e qeverisë për mbylljen e shkollës së Magjistraturës për 1 vit, duke e akuzuar se po kundërshton edhe ndërkomëbtarët.
Në një dalje për mediat nga selia e PD, deputeti Eduard Halimi ka akuzuar dyshen Rama-Meta se kanë injoruar thirrjet e partnerëve ndërkombëtarë.
“Ditën e djeshme Rama dhe Meta, miratuan ndryshimet në ligjin për Shkollën e Magjistraturës, me arrogacë të plotë dhe duke shpërfillur thirrjet e partnerëve ndërkombëtare. Bashkimi Europian, SHBA dhe OSBE i kërkuan hapur dyshes Rama-Meta që të mos miratonin asnjë ligj të Reformës në Drejtësi, pa konsultim, gjithëpërfshirje dhe bashkëpunim me aktorët e sistemit dhe faktorin ndërkombëtar. Të gjithë i bënë thirrje Edi Ramës që të respektojë parimet dhe standartet euroatlantike, dhe se ligjet nuk bëhen për individë dhe nuk bëhen me nxitim e brenda natës. Në injorim të plotë të thirrjes së tyre, Rama-Meta e ndryshuan ligjin, duke mbyllur për 1 vit Shkollën e Magjistraturës”, tha Halimi.
Sipas tij kjo dyshe po synon të kapë institucionet e drejtësisë për tu kthyer në vitin 2005, ku të gjithë sistemin gjyqësor e drejtonin deputët e PS.
“Rama kërkon që të kontrollojë politikisht sistemin gjyqsor, duke na kthyer në vitin 2005, ku Kryetar i Gjykatës së Lartë ishte ish-Ministri i Drejtësisë i PS, ku Kryetar i Gjykatës Kushtetuese ishte ish-Deputeti dhe ish-Krytari i Komisionit të Ligjeve të PS, ku gjyqtarë, kryetarë, në gjykatat më të larta të vendit apo dhe anëtarë KLD ishin deputetë apo zëvëndësministra dhe të PS”, deklaroi Halimi.