Ministri i Bujqësisë Edmond Panariti ka kallëzuar penalisht inspektorin Roland Papajorgji për shpërdorim detyre.
Roland Papajorgji është inspektor i Agjencisë së Zhvillimit Bujqësor Rural. Vendimi për kallëzimin e tij erdhi menjëherë pas denoncimit të një fermeri në lidhje me abuzimin në skemat mbështetëse të bujqësisë.
Menjëherë pas këtij denoncimi, ministri Panariti zhvilloi një mbledhje urgjente në AZHBR, ku u vendos shkarkimi i menjëhershëm ndaj Papajorgjit.
Pasi shkarkoi nga puna Papajorgjin, ministri dërgoi kallëzimin penal në Prokurori për të bërë hetimet e nevojshme. I pyetur në lidhje me këtë vendim, ministri deklaroi:
“Jemi të vendosur për të luftuar çdo formë abuzimi për skemat mbështetëse ndaj bujqësisë”.