Banorët e Kamzës kanë kërcënuar se do të bllokojnë aksin rrugor Kamëz-Fushë Krujë, nëse qeveria nuk finalizon projektin e lënë në mes.
Ata thonë se pezullimi i punimeve ka bërë që ky aks rrugor të kthehet në një rrezik dhe burim aksidentesh për ta.
Protesta e këtyre banorëve u mbështet edhe nga Partia Demokratike.
Koordinatori për Ndihmë Ligjore dhe Denoncimet, në selinë blu , Ervin Salianji ishte sot në këtë pjesë të rrugës, bisedoi me qytetarët dhe banorët e zonës dhe dënoi vonesat e qeverisë që sipas tij kanë në sfond edhe diskrimimin politik.