Inspektorati i Lartë i Deklarimit dhe Kontrollit të Pasurive dhe Konfliktit të Interesave, ka bërë ditën e sotme një kallëzim penal në Prokurorinë e Përgjithshme, ndaj 8 zyrtarëve që janë subjekt i deklarimit të rremë të pasurive të tyre. Mes tyre bie në sy edhe emri i ndihmësit të Presidentit Nishani.
Punonjës së Drejtorisë së Tatimeve, të Drejtorisë së Doganave, Metrologjisë si dhe punonjës së Ministrisë së Bujqësisë dhe ALUIZNI-t janë pjesë e personave që janë kallëzuar në organin e akuzës.
Kallëzimi ka ardhur pasi nga verifikimet e kryera rezultoi që punonjësit të jenë në shkelje të nenit 257/a të Kodit Penal. Sipas ILDKP, zyrtarët e dërguar për ndjekje penale kanë bërë deklarime të rreme pasurie e për këtë shkak ata duhet të përballen me ligjin.
Emrat dhe postet e personave:
Shpend Shametaj, Drejtoria e Përgjithshme e Doganave,
Sadetin Bishanaku, Drejtoria e Përgjithshme e Doganave,
Flamur Dingo, Drejtoria e Përgjithshme e Metrologjisë,
Ismail Muça, Drejtoria e Përgjithshme e Tatimeve,
Enkeleda Baloshi, Drejtoria e Përgjithshme e Tatimeve,
Leonard Kastrati, Ndihmës i Presidentit të Republikës,
Shyqyri Bajraktari, Ministria e Bujqësisë, Zhvillimit Rural dhe Administrimit të Ujërave,
Ermir Petriti, ALUIZNI, Korçë