Shoqata për mbrojtjen e te larguarve nga administrata publike, ka kërkuar pushimin nga puna të zonjës Ana Verushi, drejtoreshës, që sipas kësaj shoqate, u bë shkak për vetëvrasjen e Brunilda Mekes. Kjo u fundit, u transferua nga pozicioni, qe kishte prej 10 vjetesh në Korcë. Në një letër të hapur drejtuar Kryeministrit Rama, i kërkohet shefit të qeverisë, të ndalë masakrën e administratës publike dhe të marrë përgjegjësinë si kryeministër për të zbatuar Kushtetutën, Ligjin, dhe Vendimet e Gjykatave.
Në emër të 7 mijë të larguarve, organizata “Mbro administratën”, i bën thirrje kreut të qevrisë të kthejë në punë të gjithë ata, që janë viktimë e vlerësimit, sipas teserave partiake.
