Kryeministri Edi Rama ka deklaruar se Shqipëria nuk ka asnjë plan të afërt për të legalizuar marijuanën. Në një intervistë për emisionin “Porta a Porta” në tv Italian RaiUno, Rama tha: “Legalizimi i marijuanës është një diskutim të cilin do të preferoja të mos e bëja. Pastaj nuk I takon Shqipërisë të shkojë më tutje, të marrë një vendim të tillë, kur cështja e legalizimit të marijuanës mbetet ende një temë e hapur në vende më të zhvilluara në BE”.
Për të njëjtin program është intervistuar edhe ministri i Brendshëm, Saimir Tahiri, i cili për çështjen e Lazaratit deklaroi se duhet më shumë një plan afatgjatë për këtë komunë sesa një ndërhyrje policore. “Lazarati nuk duhet luftuar por shpëtuar”, është shprehur Tahiri.
