Shqiptarët e Amerikës, protestë para OKB-së pro grevistëve të urisë - Bota Sot
Shqiptarët e Amerikës, protestë para OKB-së pro grevistëve të urisë

Shqipëria

E premte, 26 gusht 2016

Shqiptarët e Amerikës, protestë para OKB-së pro grevistëve të urisë

Më: 14 tetor 2012 Në ora: 22:52

Në datën 13 tetor, 2012 Forumi Shqiptaro Amerikan për Demokraci organizoi manifestim solidariteti në mbështetje të Grevës së Urisë të Ish të përndjekurve politikë nën diktaturë para OKB-s. Ish të përndjekurit politikë kanë 22 ditë të ngujuar për të kërkuar të drejtat e tyre të mohuara në postdiktaturë, ku dy prej tyre zotërinjtë Ndreca dhe Bejko i vunë flakën vehtes në shenjë proteste.

Manifestimi u moderua nga z.Grid Rroji një nga bashkëthemeluesit e Forumit për Demokraci. Z.Rroji e hapi manifestimin e solidaritetit me letrën e Prof.Sami Repishtit, ish i burgosur politik, aktivist i shquar në Botë për të drejtat e njeriut. Prof.Repishti iu drejtohej qeveritarëve të Shqipërisë të respektojnë jetën. Në letër midis të tjerash thuhej se heshtja e qeverisë ashtë jo vetëm skandaloze, por edhe e rrezikshme, sepse ashtu sic ngjau, grevistët u treguan ma të vendosun seç parashikohej, dhe me këtë qëndrim ata akuzojnë autoritetin për pa aftësi mbrojtjeje të jetës së qytetarëve.

Një zhvillim i këtillë, në shumë vende të botës, ka krijue situata serioze dhe me rrjedhime shpesh herë tragjike. “Kjo që ngjet këtu tha Ambasadori Sequi i Bashkimit Europian ash një tragjedi, sepse e tillë ashtë”. Në fund të letrës Prof.Repishti shkruante se: ” Jeta ashtë e shenjtë. Sepse asgja, asgja nuk ashtë më me vlerë se nji jetë njerëzore”!
Përshëndetja e profesor Sami Repishtit u mirëprit me duartrokitje nga të pranishmit.

Ndërsa z.Pellumb Lamaj ish i burgosur në burgun famëkeq të Spaçit dënoi ashpër klasën politike, qeverinë që është e mbushur nga ish persekutorët e regjimit diktatorial. Z.Lamaj e shikoi me skepticizëm zgjidhjen e kërkesave të ish bashkëvuajtesve të tij.

Dr.Ilir Hysa një nga organizatorët e këtij manifestimi në fjalën e tij midis të tjerash tha se: “Paria e Tiranës e dalë nga sistemi komunist ruan vazhdimësinë botëkuptimore dhe vepruese në regjimin e vjetër. Vjedhja e pasurisë kombëtare ëështë një akt kriminal dhe po aq kriminal është dhe moskokëçarja e kryeminstrit Berisha për të dialoguar me qeverinë… Ai u bëri thirrje gjithë shqiptarëve të ndershëm t’i bashkohen kauzës për Demokraci duke sjellë në fund të fjalës së tij interpretimin e disa vargjeve marrë nga poezitë e Nolit.

Z.Muhamet Omari i bëri thirrje qeverisë Berisha që të zgjidhe sa më parë problemet e ish të perndjekurve politike të cilet po vuajnë në grevë urie për 22 ditë me radhë dhe askush nuk është ulur me ta për t’i marrë në konsideratë këto probleme madhore që ka kjo klasë e mëpërkëmbur. Z.Omari deklaroi që në fillim të fjales së tij se këtu ai perfaqësonte vehten e tij, pavarësisht se është anëtar dhe i zgjedhur në disa forume përfeshirë këtu dhe organizatën “Vatra”, i cili është anëtar i kryesisë së saj.Z.Omari dënoi ashpër heshtjen e shtetit shqiptar.

Ish Këshilltari i Bashkisë së Nju Jorkut, miku i madh i shqiptarëve z.Seven Kaufman i shoqëruar nga z.Esad Rizai, kryetari i fondacionit “Shoqëria Shqiptaro-Amerikane” në fjalën e tij u solidarizua plotësisht me grevistët e urisë dhe iu bëri thirrje të pranishmëve të mos heshtin për kauzen e tyre. Ju jeni në vendin më demokratik në botë dhe për këtë jeni të lirë të ngrini zërin tuaj, zë që dëgjohet me respekt ndër shqiptarë vazhdoi z.Kafman.

Znj.Mimoza Ferraj bashkëthemeluese e Partisë Demokratike solli me emocion dhe dhimbje luftën që u bë për të sjellë demokracinë në Shqipëri. Por unë dhe gjithë Shqipëria tha znj.Ferraj luftuam që klasa e persekutuar të gëzonte lirinë e fjalës, pavarësinë ekonomike të ishte e barabartë në shoqërinë shqiptare dhe jo pas 22 vjetësh të shoh ish të burgosurit të vetëflijohen. Mos impenjimi i qeverisë për këtë klasë është një turp dhe i paprecedent…

Ish deputeti i Malit te Zi z.Xheladin Zeneli u pronocua për mediat duke u solidarizuar me grevistët e urisë, me ish të përndjekurit. Unë tha ai kam ardhur këtu për të qenë pranë ish të përncjekurve politikë që sot ndodhen në grevë urie për të drejtat e tyre, ndërsa qeveria shqiptare është komplet indiferente karshi këtyre jetëve njerëzore. Z.Zeneli tha se është qeveria shqiptare po kaq indifirenete dhe me të drejtat e shqiptarëve në Mal të Zi që po mëpërkëmben nga qeveria diskriminuese atje.

Z.Ervin Toro bashkëthemelues i shoqatës “Rrënjët Shqiptare” dhe bashkësponsorizues i këtij aktiviteti dënoi heshtjen e qeverisë karshi ish të përndjekurve politikë që kanë plot 22 ditë në grevë urie. Jam tejet i prekur me aktin e tyre deri ne vetëflijim ndaj ne si shqiptarë duhet medoemos të solidarizohemi dhe të mbështesim pa rezerva ish të përndjekurit.

Prof.Shenasi Rama ish student i grevës së urisë në përmbysjen e diktaturës në intervistën për TV Alba Life, falënderoi Forumin për Demokraci që ishte një përpjekje shumëdinjitoze në solidarizim të ish të përndjekurve politikë, organizuar para Kombeve të Bashkuara nga Grid Rroji, Ilir Hysa, Albert Tolja, Olsi Argjendari etj…
Ai tha se e ardhmja e Shqipërisë është e kërcënuar nga Paria e Tiranës dhe mosdëshira e saj për të krijuar një model politik dhe për t’u ndarë nga e kaluara kriminale, veglat e tyre mediatike dhe klanet mafioze që i mbështesin.

Të pranishmit e përcollën me interes dhe solidarizim përshëndetjet e Këshilltarit të Bashkisë së Nju Jorkut z.Steven Kaufman, z.Pëllumb Lamaj, Dr.Ilir Hysa, z.Muhamet Omari, znj.Mimoza Ferraj, Kozeta Zylo etj…
Manifestimin e Solidaritetit para Kombeve të Bashkuara në Manhattan e mbylli z.Grid Rroji i cili falënderoi pjesëmarrësit që mbështesnin kauzën e demokracisë, për të cilët ish të perndjekurit politikë kishin luftuar tërë jetën nën kthetrat e diktaturës.
Në fund ai tha se ne jemi të gjithë GJERGJ NDRECA DHE LIRAK BEJKO!

Manifestimi u përcoll nga mediat si: TV Kultura Shqiptare me producent Adem Belliu, TV Alba Life me producent Qemal Zylo, Studio Pali me producent Skënder Pali, Shqiptarët e Amerikës me producent Qazim Doda…
TV Alba Life mori disa intervista si me: Prof.Shenasi Rama, Dr.Ilir Hysa, z.Pëllumb Lamaj, z.Grid Rroji, z.Muhamet Omari, znj.Mimoza Ferraj, z.Xheladin Zeneli, z.Ervin Toro etj…
Pjesëmarrësit u shpërndanë duke shpresuar se zëri i tyre do të dëgjohet në forume dhe organizata të tjera shqiptare në mbështetje dhe solidarizim të grevës së urisë nga ish të përndjekurit politikë.

Komentet
comments powered by Disqus
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test