Avokati Idajet Beqiri shprehet se dukshëm Klement Balili i ka menduar “me laps e letër” të gjitha veprimet e tij, deri tek vetëdorëzimi ditën e djeshme.
I ftuar në emisionin Arena, avokati u shpreh se Balili do të gjykohet në Shqipëri dhe mund të marrë një dënim minimal prej rreth 4 vitesh e gjysëm burg.
Hila: Për një akuzë të tillë sa është dënimi?
Beqiri: Shqipëria do ta gjykojë atë. Ne e kemi si me sasinë 3 ton, si me 700 e kemi nga shtatë deri në 18 vjet burgim. 4 vjet e 8 muaj merr minimumi, plus rrethanave lehtësuese. Ai i ka llogaritur shumë mirë gjërat. Kanë llogaritur kohën kur duhet të dorëzohet. Kanë bashkëpunuar avokatët dhe vetë ai dhe madje edhe me policinë e shtetit dhe momenti i duhur ishte kur çështja të shkonte në gjykatë. Nëse ai nuk do të ishte i pranishëm kur çështja do të shkonte në gjykatë, ai humbet gjykimin e shkurtuar, humbet rrethanën lehtësuese, atë të vetëdorëzimit.
Kikia: Paraburgimin e bëri në shpi.
Beqiri: E ka menduar çdo gjë shumë mirë.