Mediat greke: Kocias përsëri në Shkup, javë kyçe për negociatat - Bota Sot
Mediat greke: Kocias përsëri në Shkup, javë kyçe për negociatat

Shkupi

E hënë, 24 shtator 2018

Mediat greke: Kocias përsëri në Shkup, javë kyçe për negociatat

Më: 19 shkurt 2018 Në ora: 20:31
Kocias

Shefi i diplomacisë greke shumë shpejt do të vizitoj përsëri Shkupin, raportoi televizioni grek Alfa.

Në kronikën e transmetuar në edicionin qendror të lajmeve, televizioni grek Alfa tha se fillon një javë kyçe për negociatat, ndërsa Kocias homologut të tij në Maqedoni do t’i dorëzojë draft-marrëveshjen të cilën e ka përgatitur pala greke.

“Sipas informacioneve të Alfas, Kocias pritet që ta vizitojë Shkupin në ditët në vazhdim me fluturimin e parë në aeroportin i cili do të mbajë emrin e ri “Aeroporti Ndërkombëtar i Shkupit”.

Ministri i Punëve të Jashtme i Greqisë me vete do të ketë dhe propozimin e Greqisë, në të cilin sipas burimit të njëjtë, në 24 orët e fundit rregullohen detajet”, publikoi televizioni grek TV Alfa.

Sipas televizionit, në draft-marrëveshjen nga ana greke, përveç emrit, do të përfshihen dhe ndryshimet në Kushtetutë të cilat Athina i kërkon nga Shkupi për “heqjen e pozitave irredentiste”. “Kur do të arrihet marrëveshje, ajo do të jetë e plotë”, deklaroi për televizionin Alfa, funksionari i qeverisë së Greqisë.

Sot mund të lexoni Shfletoni kopertinat
Sondazh
test