Në prag skadence, AKU kthen mbrapsht në Malin e Zi 11.6 tonë birrë - Bota Sot
Në prag skadence, AKU kthen mbrapsht në Malin e Zi 11.6 tonë birrë

Shkodra

E premte, 17 gusht 2018

Në prag skadence, AKU kthen mbrapsht në Malin e Zi 11.6 tonë birrë

Më: 5 gusht 2018 Në ora: 13:56
AKU-ja ndaloi hyrjen e ngarkesës prej 11.6 tonë në territorin e Shqipërisë, si dhe e ktheu atë në vendin e origjinës.

Drejtoria Rajonale e AKU-së në Shkodër ka konstatuar dhe bllokuar rreth 11.6 tonë birrë të importuar nga jashtë, për shkak se afati i skadencës së produktit ishte afër datës së deklaruar në etiketë apo dokumentacionin shoqërues.

Sasia e madhe e birrës me origjinë nga Estonia e Meksika vinte si eksport nga Mali i Zi në pikën doganore të Hanit të Hotit, por pas kontrollit fizik të ngarkesës nga trupa inspektuese rezultoi se ajo nuk respektonte urdhrin e ministrit për ndalimin e importeve dhe produkteve në prag skadence.

AKU-ja ndaloi hyrjen e ngarkesës prej 11.6 tonë në territorin e Shqipërisë, si dhe e ktheu atë në vendin e origjinës.

Autoriteti Kombëtar i Ushqimit u bën thirrje operatorëve të biznesit ushqimor që të jenë të kujdesshëm në blerjen e lëndëve të para, qofshin produkte shtazore apo joshtazore, duke kërkuar e marrë nga furnitorët vetëm produkte me etiketë dhe të shoqëruara me dokumentacion të plotë veterinar e fiskal, pasi ky është detyrim ligjor.

Sot mund të lexoni Shfletoni kopertinat
Sondazh
test