Shkodra nën ujë prej tre javësh, varka i vetmi mjet transporti - Bota Sot
Shkodra nën ujë prej tre javësh, varka i vetmi mjet transporti

Shkodra

E hënë, 25 qershor 2018

Shkodra nën ujë prej tre javësh, varka i vetmi mjet transporti

Më: 24 mars 2018 Në ora: 19:33
Shkodra

Prej më shumë se tre javësh fshati Obot i Shkodrës vijon të jetë nën pushtetin e ujit. Në këtë situatë të vështirë përmbytjesh mjeti i vetëm me të cilin mund të hyhet në fshat është varka.

Banorët zgjohen përditë në një realitet thuajse surreal, ku sapo dalin nga shtëpia marrin varkën në oborret e përmbytura të shtëpive, e mandej nisen drejt Rrugës së Re, që lidhet me Shkodrën dhe rrethinat.

Përmes varkave ata furnizohen me ushqime për konsum vetjak dhe bagëtitë. Sigurimi i bazës ushqimore për gjënë e gjallë mbetet problem për banorët. Ndërkohë, ata janë të dorëzuar përballë të mbjellave që janë shkatërruar tërësisht nga uji.

Si të mos mjaftojë uji, situatës kritike i shtohet edhe problemi me furnizimin me energji elektrike, për shkak të dëmtimit të rrjetit dhe transformatorëve.

Mbi 5 mijë hektarë tokë u përmbyt në Shkodër e rrethina gjatë këtyre javëve, ndërkohë që mbi 75 familje u detyruan të braktisin banesat e të strehohen të familjarët.

Përballë një situate të tillë kryeministri Edi Rama vijon të mos i përgjigjes thirrjes për shpalljen e gjendjes së emergjencës. Në këto kushte banorët duhet të vështrojnë nga qielli me shpresën se do të dalë dielli.

Komentet
comments powered by Disqus
Sot mund të lexoni Shfletoni kopertinat
Sondazh
test