Qarku i Shkodrës në rrezik nga përmbytja, sot e nesër prurje të larta në liqen dhe 2 lumenjtë - Bota Sot
Qarku i Shkodrës në rrezik nga përmbytja, sot e nesër prurje të larta në liqen dhe 2 lumenjtë

Shkodra

E hënë, 24 shtator 2018

Qarku i Shkodrës në rrezik nga përmbytja, sot e nesër prurje të larta në liqen dhe 2 lumenjtë

Më: 11 shkurt 2018 Në ora: 13:42
Ilustrim

Qarku i Shkodrës do të vazhdojë të jetë në rrezikun e përmbytjeve. Reshjet e fundit vazhdojnë t’i mbajnë të larta prurjet të dielën dhe të hënën në lumin Drin, Bunë dhe liqenin e Shkodrës.

Nga llogaritjet hidrologjike të IGJEUM, rezulton se sot dhe nesër lumi Drin, Buna dhe Liqeni i Shkodrës do të vazhdojnë të kenë prurje dhe nivele të larta. Lumenjtë e tjerë në të gjithë territorin nuk paraqesin rrezik.

Ky informacion do të përditësohet nga IGJEUM sipas llogaritjeve të ardhshme dhe do të njoftoheni për çdo ndryshim në parashikimin e përmbytjeve.

Sot pasdite (e diel, dt.11) dhe nesër (e hënë, dt.12) priten reshje të dobëta deri lokalisht mesatare.

Në lindje, në zonat malore priten reshje dëbore në 500m mbi nivelin e detit (në zona të kufizuara edhe më poshtë se ky nivel).

Nesër (e hënë, dt.12) temperaturat minimale dhe maksimale të ajrit pritet të arrijnë:

në bregdet: 5 / 12

në vendet e ulëta: 5 / 12

në vendet malore: -2 / 6 °C.

Sot (e diel, dt.11) dhe nesër (e hënë, dt.12) pritet të fryjë e lehtë deri mesatare në bregdet dhe veri-lindje.

Sot mund të lexoni Shfletoni kopertinat
Sondazh
test