Zbulohet vendi më i ftohtë në Tokë, temperaturat arrijnë deri në minus 97 gradë celsius

Shkencë & Teknologji

Zbulohet vendi më i ftohtë në Tokë, temperaturat arrijnë deri në minus 97 gradë celsius

Më: 16 korrik 2018 Në ora: 14:30
Ky ajër i ftohtë nuk mund të thithet për një kohë të gjatë, vetëm disa herë frymëmarrje do të mjaftonte që të shkakton gjakderdhje në mushkëri dhe vdekje të shpejtë.

Shkencëtarët kanë zbuluar vendin më të ftohtë në Tokë. Temperaturat ekstreme të ulëta prej minus 97 gradë celsius, janë regjistruar në një pllakë të akullt në Antarktidë gjatë një nate të gjatë dimri, shkruan National Geographic.

“Ky vend do të ishte ideal për jetesë në një planetë tjetër”, ka deklaruar studiuesi Ted Skamboz, nga qendra nacionale për borë dhe akull në Universitetin e Kolorados

Këto temperaturat kaq të ulëta kanë “lënë” në hije ato të matura në stacionin rus Vostok në vitin 1986, ku shkencëtarët rusë kishin matur temperaturën prej minus 88,8 gradë celsius.

Ky ajër i ftohtë nuk mund të thithet për një kohë të gjatë, vetëm disa herë frymëmarrje do të mjaftonte që të shkakton gjakderdhje në mushkëri dhe vdekje të shpejtë.

Kjo edhe është arsyeja pse shkencëtarët rusë kanë mbajtur maska para se të thithnin ajrin e nxehtë. Edhe pse pjesa lindore e Antarktidës duket si një hapësirë e rrafshët, ajo është paksa e pjerrët.

Ndërkaq mbi sipërfaqen e pllakës së akullt nuk ekziston kurrfarë stacioni meteorologjik, kështu që ekipi i Skambozit besojnë se temperaturat mund të jenë edhe më të ulëta në këtë pllakë të akullt.

Image
Sot mund të lexoni Shfletoni kopertinat