Mos u shqetësoni nëse jeni harraq, studimi i ri thotë se është shenjë inteligjence

Shkencë & Teknologji

Mos u shqetësoni nëse jeni harraq, studimi i ri thotë se është shenjë inteligjence

Më: 24 shkurt 2018 Në ora: 23:37
Ilustrim: Harresa

Një studim i ri i publikuar nga “Neuron” tregon se harresa është e lidhur ngushtë me inteligjencën. Kjo pasi sikundër thotë studimi në fjalë, truri klasifikon më mirë informacionet duke u përqendruar vetëm në gjerat e rëndësishme.
 
Studimi është kryer nga Paul Frankland dhe Blake Richards nga Universiteti i Torontos.
 
Richard thotë se: “Është e rëndësishme që truri i harron detajet e parëndësishme dhe në vend të kësaj përqendrohet në gjërat që ju ndihmojnë t’i merrni vendimet në botën reale.
 
Të gjithë e admirojmë një person që di t’u përgjigjet quize-ve të ndryshme, por evolucioni e ka formësuar kujtesën tonë jo për të fituar lojëra quiz-i, por për të marrë vendime inteligjente”.
 
Përpos kësaj, sot është më e rëndësishme të kuptosh dhe klasifikosh më tepër se sa thjesht të mbash mend, pasi shumë informacione gjenden në “Google”.
 
Richard shton: “Në vend se t’i mbani mend informacionet e parëndësishme që telefonat tanë mund t’i ruajnë për ne, truri jonë është i lirë për t’i ruajtur vetëm memoriet që vërtet kanë rëndësi për ne”. 

commentFirst article
Sot mund të lexoni Shfletoni kopertinat