Stuhia “Pika e madhe e kuqe”, e cila në vitet 1800 ishte vlerësuar të jetë e madhe sa katër Toka, ka nisur të zvogëlohet.
Sipas NASA, ajo tash ka madhësinë e vetëm 1.3 Tokave dhe po vazhdon të reduktohet.
Është e mundur që brenda dy dekadave ajo do të zhduket plotësisht, thonë shkencëtarët e NASA-s.
Stuhia ishte vlerësuar të jetë rreth 56,000 kilometra në diametër në vitet 1800.
“Pika e madhe e kuqe” në Jupiter është njëra ndër stuhitë më spektakulare në sistemin tonë diellor.
Glenn Orton, anëtar i misionit Juno dhe shkencëtar në NASA JPL, tha për Businnes Insider, se “Pika e madhe e kuqe” është si një rrotë rrotulluese, e cila varet nga rrotullimi, pasi është e kapur ndërmjet dy rripave transportieri që lëvizin në drejtime të kundërta.
“Ditët e saja janë të numëruara. Në realitet, “Pika e madhe e kuqe” po zvogëlohet që një kohë të gjatë dhe ky zvogëlim po vazhdon”, tha ai.
