Sot është mbajtur një takim pune mes Komunës së Malishevës dhe Institutit Rajonal të Shëndetit Publik (IRSHP) në Prizren, me qëllim të koordinimit të aktiviteteve në luftimin dhe parandalimin e EHKK.
Nënkryetari i Malishevës, Hajdin Berisha, e ka njoftuar IRSHP-në, për aktivitetet e kësaj komune lidhur me EHKK dhe planifikimet për aktivitetet në vazhdim, për luftimin dhe parandalimin e EHKK.
Berisha, i ka falënderuar IRSHP-në, për gatishmërinë e tyre për aktivitete të përbashkëta dhe për kontributin e vazhdueshëm të këtij instituti, në shërbim të mbrojtjes së shëndetit të popullatës.
Nga ana tjetër, drejtoresha e IRSHP-së, Nurishahe Hulaj, ka shprehur gatishmërinë e institutit për vazhdimin e bashkëpunimit me komunën dhe koordinimin e aktiviteteve të përbashkëta, si dhe për përcjelljen e situatës me EHKK.
Ndryshe, në kuadër të masave për luftimin dhe parandalimin e EHKK, sot është bërë edhe një demonstrim i mjeteve për dezinsektim, të cilat do t’i përdorë operatori në fushatën e dezinsektimit në Komunën e Malishevës, thuhet në komunikatë.
Këtë demonstrim, e kanë përcjellë nga afër nënkryetari i komunës, Hajdin Berisha, së bashku me shtabit komunal për luftimin dhe parandalimin e EHKK, si dhe me përfaqësuesit e shoqatës së bletarëve të Komunës së Malishevës.
