Perimet e gjelbra ndihmojnë nënat për të mbrojtur fëmijët e tyre nga astma, tregojnë studimet.
Një dietë e tillë është e vlefshme vetëm nëse nënat e bëjnë një gjë të tillë gjatë muajve të parë të shtatzënisë.
Në studimin e fundit të kryer nga ekipi pranë Institutit për Kërkime Nacionale në Shëndetin dhe Zhvillimin e Fëmijëve në Tokio janë përcjellë 310 foshnje pas lindjes së tyre nga nënat që kishin kompletuar anketat e ushqimit gjatë kohës së shtatzënisë.
Kur secili nga fëmijët kishin mbushur dy vjeç, ata ishin kontrolluar nëse kishin shenja të astmës.
Rezultatet treguan se fëmijët nënat e të cilëve kishte konsumuar më tepër perime të gjelbra, kishin për 52 për qind më pak gjasa të kenë shenja të astmës se sa fëmijët e nënave që kishin konsumuar më pak.
Përfitimet janë të dukshme për t’u materializuar vetëm nëse nënat konsumojnë perime të gjelbra në fazën e parë të shtatzënisë kur foshnjat janë në fazën kyçe të zhvillimit, transmeton KosovaPress.
Ndryshe, mbi një milion fëmijë në Britaninë e Madhe vuajnë nga astma dhe shkalla e sëmundjes është ndër mesin e më të lartave në Evropë.
Çdo ditë mesatarisht tre njerëz në Britani vdesin nga kjo gjendje.
Evidencat sugjerojnë se dieta e nënave mund të jetë faktor kyç në rrezikun e zhvillimit të sëmundjes te fëmijët.
