Rreziku i kancerit mund të reduktohet përmes pirjes së çajit, tregon një studim i fundit.
Çaji i Azisë lindore po ashtu është raportuar se ka përbërës që ndihmojnë në parandalimin e shtimit në peshë, sëmundjet e zemrës dhe diabetit.
Çaji Oolong mund të përdoret për trajtimin e një numri të madh të gjendjeve shëndetësore, sipas Akademisë kineze të shkencave.
Ai është i pasur me antioksidues dhe përmban vitamina dhe minerale, përfshirë vitaminat A, B, C, E dhe K.
Po ashtu përmban kimikale polifenol, i cili kontribuon në vetitë antikancer të këtij lloj çaji, thonë studiuesit. Sipas tyre, këto përmasa e bëjnë çajin Oolong shumë të popullarizuar në gjithë botën.
Pirja e dy ose më shumë gotave me këtë lloj çaji mund të reduktojë rrezikun nga disa lloje të kancerit, përfshirë edhe kancerin ovarian, thuhet në studim.
Çaji Oolong bëhet nga e njëjta bimë që përdoret për të bërë çajin e zi dhe të gjelbër. Por, çaji Oolong është pjesërisht i fermentuar, derisa çaji i zi është plotësisht i fermentuar, derisa çaji i gjelbër nuk është i fermentuar. Ai ka shije të ëmbël, por nuk përmban sheqer ose qumësht.
