Një mjek në Afganistan i kuron pacientët e tij me një metodë jo fort të dëgjuar. Ai thotë se me anë të helmit të akrepit arrin që të shërojë shumë sëmundje.
“Metoda ime funksionon 100% dhe këtë jua siguroj. Njerëz nga çdo anë e botës vinë tek unë për tu kuruar dhe mbeten të kënaqur”, thotë mjeku, Amin Shirzad.
Ai thotë se jeton me akrepat e tij, e i stërvit që të nxjerrin helmin, të cilin ai e përdor për të kuruar pacientët nga dhimbjet e kokës, epilepsia e të tjerë.
Amin jeton me akrepat që ia dha babai. Edhe ai ka qenë mjek e prej vitesh i stërviste për t’i përdorur më pas tek të sëmurët.
Amin është pickuar shumë herë nga akrepat dhe tani gjaku i tij reziston nga efektet e helmit.