Duhani është shkaktari më i madh i kancerit, por sëmundja mund të parandalohet duke bërë disa hapa të thjeshtë, si të ngrënit e dietave të shëndetshme, menaxhimi i obezitetit dhe ekspozimi i mjaftueshëm në diell, thonë ekspertët.
Shkencëtarët thonë se tek femrat faktori më i rëndësishëm që e shkakton kancerin janë mungesa e hormoneve, kurse në meshkuj, faktori dominues është duhani.
“Pirja e duhanit është faktori i vetëm më i rëndësishëm për kancerin tek meshkujt. Rreth 60-70% e të gjitha rasteve me kancer tek meshkujt ndodhin për shkak të duhanit”, thonë shkencëtarët.
Sipas Organizatës Botërore të Shëndetësisë, rreth 30% e vdekjeve nga kanceri mund të parandalohen duke u kujdesur për disa faktorë që shkaktojnë atë – si pirja e duhanit, alkooli, dietat e pashëndetshme, mos aktiviteti fizik dhe pesha e madhe e trupit.
Duhani është shkaktari më i madh i kancerit, duke bërë që 22% të vdekjeve globale të ndodhin nga kanceri, dhe 71% e vdekjeve globale nga kanceri në mushkëri.
Kanceri është si të gjitha sëmundjet e tjera, edhe ai mund të parandalohet. Të paktën një e treta e kancerëve mund të parandalohet duke bërë një jetesë të shëndetshme. Filloni me lënien e duhanit, dhe më pas me ushqimet e shëndetshme.
