Hulumtuesit australianë kanë gjetur një kurë të mundshme për njerëzit të cilët kanë alergji potencialisht vdekjeprurëse nga kikiriku.
Studimi me bazë në Melbourne është transformuar tashmë në jetën e shumë fëmijëve të cilët morën pjesë në trajtimin klinik.
Hulumtuesit nga Instituti Hulumtues i Fëmjëve Murdoch u dhanë rreth 30 fëmijëve alergjikë një dozë ditore të kikirikut me proteina dhe kikirikut probiotik në një sasi në rritje gjatë një periudhe 18-mujore.
Probiotiku i përdorur në studim ishte "Lactobacillus rhamnosus" dhe doza ishte ekuivalente me ngrënien e rreth 20kg kos çdo ditë.
Në fund të gjithë studimit, 80% e fëmijëve kishin ngrënë kikirik pa ndonjë përkeqësim.
“Shumë fëmijë dhe familje besojnë se kjo ka ndryshuar jetën e tyre, dhe tashmë ata janë më të lumtur dhe ndjehen më të lehtësuar”, thotë hulumtuesi Mimi Tang.
“Këto gjetje sigurojnë hapin e parë të rëndësishëm drejt zhvillimit të një kure për alergjitë e kikirikut dhe ndoshta edhe alergjive të tjera ushqimore”, shtoi ai.
Rreth tre në njëqind fëmijë në Australi vuajnë nga alergjia e kikirikut. Alergji të këtillë ka edhe në Kosovë. Sipas këtij studimi, mësohet se kosi ndihmon në lehtësimin e alergjisë.
“Për momentin, ky trajtim mund të merret vetëm nën mbikëqyrjen e mjekëve, si pjesë e një gjykimi klinik”, tha ai në fund të studimit.
