Një pjekje e mirë në zgarë e mishit, është padiskutim një nga pjatat më të preferuara të shumë prej nesh.
Por shpesh ndodh që të nënvlerësohen efektet negative që ka në shëndet një lloj pjekje e tillë e mishit.
Një studim amerikan ka zbuluar se rreziku i elementëve kancerogjenë nga ngrënia e mishit të tillë, reduktohet ndjeshëm nëse mishi marinohet me birrë.
Në këtë mënyrë substancat toksike që ndodhen te mishi zbehen nën efektin e birrës, mjafton që mishi të qëndrojë për disa orë në birrë.
Një eksperimet i tillë është bërë te mishi i derrit, duke përdorur birrë të verdhë, ku u vu re reduktim i elementëve kancerogjenë në masën 50%.
