Boronicat mund të ndihmojnë në shkrirjen e dhjamit të grumbulluar në bel, tregojnë studimet e studiuesve nga Universiteti i Michiganit.
Sipas studimeve të tyre, ushqimi i pasur me boronicë ndihmon në zvogëlimin e shtresave yndyrore në abdomen, yndyrë e cila është e lidhur edhe me sëmundjet e zemrës dhe diabetin.
Rezultati i studimit i vesh boronicës edhe një efekt tjetër pozitiv, krahas dobive të tjera si ulja e kolesterolit dhe kontrollimi më i mirë i niveleve të glukozës, edhe nëse ushqimi nuk ka qenë i duhuri për shëndetin e zemrës.
Hulumtuesit thonë se rezultatet kanë treguar se boronicat e pasura me antioksidues mund të ndryshojnë mënyrën se si trupi krijon dhe i procedon glukozën ose sheqerin në energji, duke ulur kështu rrezikun edhe të sëmundjeve të zemrës dhe diabetit.