Përbërësit:
Fileto pule
Proshutë pule
Spinaq
Djathë mocarel
Erëza
Kripë
Vaj ulliri
Gjalpë
Përgatitja: Fileton e pulës priteni në feta fare të holla. Me rrahësen e mishit, bëjini edhe më të holla. Hapini në banakun e kuzhinës dhe mbushini me një fetë proshutë, spinaq të prerë në copa të vogla por të pa gatuar, djathë mocarel në kubikë.
Shtoni erëzat dhe kripën dhe mbështilleni fileton në formë role me ndihmën e një kunje dhëmbësh. Në një tigan të ngrohur shumë me pak vaj ulliri dhe gjalpë, kaloni involtinit për skuqje. Kujdesuni që t’i skuqni mirë nga të gjitha anët deri sa pula të ketë marrë ngjyrë të artë.
Nëse nuk ia keni dalë ta bëni fileton të hollë dhe dyshoni që nuk mund të piqet vetëm në tigan, kalojeni edhe pak minuta në furrë.
