Përbërësit:
500 gr oktapod
1 presh
20 kokrra kaperi
1 degë selino
2 patate
2 speca të ëmbël
1 karrotë
3 lugë vaj ulliri
Kripë, piper
Përgatitja: Në një enë me ujë të valuar fusni tre herë oktapodin me ndihmën e një piruni e pastaj vendoseni në ujë të ngrohtë me karotën selinon e kripë për të filluar zierjen nga e para. Mbulojeni dhe vijoni zierjen në zjarr të ulët për 1 orë. Lëreni të ftohet pa i hequr kapakun dhe më pas priteni në copa. Zieni patatet dhe pritini në kubikë. Kaurdisni specat dhe preshin e prerë në rrathë me pak vaj ulliri dhe në fund shtoni oktapodin, patatet dhe kaperit. Vazhdoni kaurdisjen edhe për pak minuta. Rregulloni me kripë dhe shërbejeni të ngrohtë.