Pas reshjeve të borës, sonte në Prishtinë ndotja e ajrit ka qenë në nivel më të mirë.
Sipas matjeve të fundit të cilësisë së ajrit nga matësit e Ambasadës Amerikane në Prishtinë në ora 23.00, ndotja e ajrit del të jetë e moderuar.
Ditëve të fundit, Prishtina serish nisi me përballjen me ajrin e ndotur sikurse vitin e kaluar.
Ndryshe, Organizata Botërore e Shëndetësisë ka alarmuar se ndotja e ajrit është një prej kërcënimeve më të mëdha për shëndetin global.
Sipas agjencisë së OKB-së për Shëndetësi, ndotja e ajrit vret 7 milionë njerëz në botë çdo vit, përfshirë 600 mijë fëmijë.
Po ashtu, ajri i ndotur ndikon që shumë fëmijë të lindin me probleme mendore e fizike.
