Një person i maskuar, nën kërcënimin e armëve, ka grabitur sot një sasi parash në një institucion mikrofinanciar në rrugën “Enver Maloku” në Prishtinë.
Rasti ka ndodhur rreth orës 14:00 dhe menjëherë pas marrjes së këtij informacioni strukturat rajonale për hetimin e krimit me një intensitet të shtuar kanë filluar ndërmarrjen e një varg veprimesh operative dhe hetimore.
Sipas hetimeve të para, grabitja është realizuar nën kërcënimin e armës, ku personi i maskuar ka grabitur një sasi të parave dhe është larguar nga vendi i ngjarjes.
Policia po punon me përkushtim për të identifikuar personin e dyshuar dhe vendndodhjen e tij, thuhet në komunikatën e Policisë së Kosovës.