Qytetarët e Prishtinës që nga sonte e deri të dielën mund ta shfrytëzojnë transportin publik të linjës katër më gjatë se zakonisht.
Autobusët urbanë të linjës katër do të punojnë deri në orën 02:00 pas mesnate.
I pari i Prishtinës, Shpend Ahmeti ka bërë të ditur se një gjë e tillë po ndodh për shkak të festivalit “Sunny Hill”, ku si protagoniste e këtij viti është këngëtarja e njohur botërore, me origjinë nga Kosova, Dua Lipa.
“Për shkak të festivalit Sunny Hill, transporti publik në linjen 4 zgjatet deri në ora 02:00 pas mesnate deri të dielën”, ka shkruar Ahmeti.