Zebrat nuk janë më, por kalimi i qytetarëve nëpër rrugën “Fehmi Lladrovci”, nuk ndalet.
Me gjasë ato nuk do të vizatohen më dhe se vendkalimi do të mbyllet.
Komuna e Prishtinës po e shqyrton mundësinë e funksionalizmit të mbikalimit, për disa qëllime.
E para është siguria më e madhe e këmbësorëve.
Vendosja e ashensorit që u dedikohet edhe personave me aftësi të kufizuara, nënave me karroca fëmijësh dhe të tjerë që kanë nevojë për të është planifikuar nga komuna në planin e rifunksionalizimit të saj.
Në plan kanë edhe vendosjen e ndonjë biznesi të vogël këtu.