Banorët e Hajvalisë i kanë borxh ujësjellësit mbi 1 milion euro

Prishtina

Banorët e Hajvalisë i kanë borxh ujësjellësit mbi 1 milion euro

Më: 13 mars 2018 Në ora: 09:19
Ilustrim

Ujësjellësi “Prishtina ” njofton konsumatorët borxhlinj të fshatit Hajvali, se gjatë ditës së sotme do të shkyçen individualisht nga shërbimet e ujësjellësit dhe kanalizimit. Mbi 1400 shtëpi / konsumatorë të këtij fshati u kanë borxh KRU”Prishtina” mbi 1 milion euro.

Me shkyçje do të përballet secili konsumator që ka, dy e më shumë fatura të papaguara ndaj shërbimeve të ujësjellësit dhe kanalizimit.

Për këtë aksion, në fshatin e lartpërmendur janë të angazhuar 4 ekipe të shkyçjes përfshirë edhe inspektorë. Ata të cilët kanë borxhe ndaj shërbimeve të ujësjellësit dhe kanalizimit do të shkyçen gjatë ditës së sotme, pas shumë vërejtjeve e njoftimeve që u janë bërë më parë.  Gjatë ditës së nesërme do të vazhdohet me shkyçje në fshatin Makovc, Llukar, Bardhosh, Besi, Trudë dhe të gjitha fshatrat e tjerë që gravitojnë përgjatë gypit magjistral Albanik-Prishtinë.   KRU ”Prishtina” sh.a. është duke i përmirësuar shërbimet për ujësjellës  dhe kanalizim, ujë të pijshëm 24 h pa ndërprerë, andaj u bën thirrje të gjithë konsumatorëve , që: -T’u përgjigjen pozitivisht të gjitha obligimeve financiare për shërbimet e ujësjellësit dhe kanalizimit, në mënyrë që të evitojnë shkyçjen nga shërbimet,  -Të gjithë konsumatorëve që kanë përfituar nga Ligji për Faljen e Borxheve Publike, u bëjmë thirrje që të respektojnë në përpikmëri kontratat për riprogramimin e borxhit, gjithnjë duke paguar këstet e përcaktuara sipas kontratës së nënshkruar nga të dyja palët, -Duke filluar nga data 1 shkurt 2018, të gjithë konsumatorët që kanë përfituar nga Ligji për Faljen e Borxheve Publike dhe nuk iu janë përmbajtur Kontratës për pagesën me këste të borxhit të riprogramuar, do të iu rikthehet borxhi i falur, bazuar në Ligjin për Faljen e Borxheve Publike.

commentFirst article
Sot mund të lexoni Shfletoni kopertinat