“Vetëvendosje ka hise në qeverisjen në Prishtinë dhe derisa Ahmeti të mbetet në pushtet, mbetet edhe programi jonë me të cilin ai është zgjedhur”. Kështu ka thënë drejtori i Kulturës,Yll Rugova në emisionin 038 duke lënë të kuptohet që është në krahun e Albin Kurtit.
Rugova ka thënë se nuk do të japë dorëheqje dhe se largimi i Ahmetit nga Vetëvendosje nuk do të thotë se partia do të jetë opozitë pasi që pushteti është i përbashkët.
Përveç Rugovës, drejtor i Vetëvendosjes në Komunën e Prishtinës është edhe Arben Vitia që udhëheqë me Shëndetësinë e i cili po ashtu ka thënë se do të veprojë ashtu si i rekomandon Vetëvendosja.