Gjinekologu kosovar Premtim Gojani u plagos me tre plumba para derës së shtëpisë nga dhëndri i tij F.F., mëngjesin e sotëm në Lagjen Marigona të Graçanicës. Media mëson se Gojani po trajtohet në shokdhomë në QKUK.
Dhëndri i tij, F.F, pasi ka plagosur mikun është dorëzuar te sigurimi i kësaj lagjeje pastaj në Polici.
“E ka plagos para derës së shtëpisë, në sy të familjarëve, dhe u dorëzu te sigurimi lagjes”, tha ky burim.
Arsyet e kësaj ngjarje të rëndë është herët të dihen ndërsa në vendin e ngjarjes policia ka gjetur dhe ka konfiskuar: një armë zjarri (revole që dyshohet të jetë përdorur në vendin e ngjarjes); një granatë dore (e pashpërthyer e cila është larguar nga njësiti i specializuar për çminim); një elektroshok; pesë gëzhoja dhe 2 fishekë. I dyshuari F.F 64 vjeç është intervistuar nga Policia e Kosovës.
