(E plotësuar) - Komisioni Qendror i Zgjedhjeve (KQZ) ka procesuar të gjitha vendvotimet në Komunën e Prishtinës.
Nga gjithsej 236 vendvotime që janë procesuar Shpend Ahmeti del të jetë fitues në Prishtinë me 41 mijë e 509 vota apo 50.15 për qind të votave.
Ndërkaq Arban Abrashi ka arrit të mbledh gjithsej 41 mijë e 262 vota apo 49.89 për qind.
Pra me vetëm 247 vota diferencë në Prishtinë ka fituar Shpend Ahmeti.
Numërohen 99.15% të votave, ja diferenca mes Ahmetit e Abrashit
Shpend Ahmeti ka 308 vota më shumë se Arban Abrashi.
Shpend Ahmeti i Vetëvendosjes është në epërsi me 50,19 për qind të votave ndaj kundërkandidatit të tij nga radhët e LDK-së, Arban Abrashit me 49.81 për qind.
Në faqen zyrtare të KQZ-së bëhet e ditur se janë numëruar 99.15 për qind të votave.
Numërohen 93,22% të votave, kjo është diferenca mes Ahmetit e Abrashit
Kandidati i Vetëvendosjes, Shpend Ahmeti, është në epërsi të ngushtë ndaj Arban Abrashit të LDK-së në Prishtinë me vetëm 472 vota.
Ahmeti nga 93,22% të votave të numëruara deri më tash ka 38.794 vota ose 50.31 për qind, ndërsa Arban Abrashi i LDK-së ka 38.322 vota ose 49.69 për qind.
Në numërim nuk janë përfshirë votat me kusht dhe ato me postë.
Numërohen 89 për qind të votave - ky është rezultati i fundit
Janë numëruar deri më tani 89 për qind të votave të hedhura në balotazhin e zgjedhjeve lokale në Prishtinë.
Sipas të dhënave në ueb-sajtin zyrtar të Komisionit Qendror të Zgjedhjeve, po prin kandidati i Lëvizjes Vetëvendosje për kryetar, Shpend Ahmeti.
Kreu aktual i Prishtinës aktualisht ka 378 vota më shumë se kundërkandidati i tij nga radhët e Lidhjes Demokratike të Kosovës, Arban Abrashi.
Në 80 për qind të votave të numëruara, prin Abrashi
Teksa janë numëruar 80 për qind të votave në Prishtinë, Arban Abrashi i LDK-së është duke prirë me rezultat të ngushtë.
Ai ka 300 vota më shumë se Shpend Ahmeti i Vetëvendosjes. Abrashi ka 32611 vota, ndërsa Ahmeti ka 32324 vota.
Në përqindje, Abrashi ka 50.21 për qind, ndërsa Ahmeti 49.79.
Arbani prin nga 60 mijë votat e numëruara sipas KQZ
Janë numëruar deri më tani 60 mijë vota të hedhura në balotazhin e zgjedhjeve lokale në Prishtinë.
Sipas të dhënave në ueb-sajtin zyrtar të Komisionit Qendror të Zgjedhjeve, po prin kandidati i Lidhjes Demokratike të Kosovës për kryetar, Arban Abrashi.
Kandidati i LDK-së aktualisht ka 143 vota më shumë se kundërkandidati i tij nga radhët e Lëvizjes Vetëvendosje, Shpend Ahmeti.
Sipas rezultateve momentale të KQZ-së: Abrashi prin në Prishtinë
Bazuar në rezultatet që janë publikuar deri më tani nga Komisioni Qendror i Zgjedhjeve, Arban Abrashi ka marrë 54.52 për qind të votave, duke e mposhtur kështu Shpend Ahmetin i cili ka fituar 45.48 për qind.
Exit Poll: Në Prishtinë fiton Shpend Ahmeti
Sipas rezultateve të Exit Pollit, në zgjedhjet e balotazhit për kryetar të Prishtinës ka fituar Shpend Ahmeti nga Lëvizja Vetëvendosje me 52.2 ndaj Arban Abrashit nga LDK-ja me 47.8 për qind.
Ferizaj ka fituar kandidati i PDK-së, Agim Aliu ndërsa në Vushtrri ka fituar kandidati i LDK-së Xhafer Tahiri.
Në Klinë ka fituar Sokol Bashota i PDK-së, sipas tendencës së Exit Pollit. Ndërsa në Rahovec është diferencë e ngushtë ndërmjet PDK-së dhe AAK-së.