Partia Demokratike e Kosovës ka përzgjedhur Lirak Çelaj, si kandidat për kryetar të Prishtinës.
Këtë e ka bërë të ditur vetë Çelaj përmes një postimi në llogarinë e tij në Facebook, përcjell Bota sot.
“Dua të falënderoj nga zemra Enver Hoxhaj, Xhavit Haliti, Memli Krasniqi, Shemsi Veseli dhe Shaip Muja, kandidatët për deputetë që u zotuan për fuqizimin e degës dhe kandidaturës time për kreun e komunës”, ka shkruar ai në Facebook.
Postimi i tij i plotë:
Fillimi i Ri ka bashkuar qytetarë më shumë se kurdoherë në tubimet elektorale të ftuara nga strukturat e Degës. Jemi të bindur se ashtu do të jetë edhe pasi të jenë numëruar votat, më 11 Qershor, duke rikonfirmuar bastionin e PDK-së në Prishtinë.
Dua të falënderoj nga zemra Enver Hoxhaj, Xhavit Haliti, Memli Krasniqi, Shemsi Veseli dhe Shaip Muja, kandidatët për deputetë që u zotuan për fuqizimin e degës dhe kandidaturës time për kreun e komunës.
Unë ndjehem tepër mirë për këtë përkrahje edhe të të gjithë deputetëve tjerë që përcjellin punën e degës së Prishtinës, duke u zotuar po ashtu se Prishtina do të jetë e PDK-së.
Voto #12PDK
Voto #1KadriVeseli/BS/
