Shoqatat për mbrojtjen e kafshëve do të organizojnë nesër një protestë kundër vrasjes së qenve.
Në një njoftim për media PARK (People for Animal Right Kosovo) dhe ANIMA (Shoqata për Mbrojtjen e të Drejtave të Kafshëve) bëjnë të ditur se do të protestojnë kundër zhvillimeve të fundit në qytetin e Klinës dhe veprimeve tjera ku vriten kafshët.
“Me këtë protestë duam t'ua kujtojmë zyrtarëve komunalë dhe atyre qeveritarë që vendime të njëjta në tentativë për të zgjidhur problemin me kafshët e pastreha dënohen me ligjet e aplikueshme të Kosovës si dhe ato evropiane. Vrasja masive e qenve endacak në Kosovë duhet të ndalet menjëherë”, thuhet në njoftim.
Protesta mbahet nesër duke filluar nga ora 14 në sheshin “Skënderbeu” në Prishtinë.