Për njohësin e çështjeve politik Lirim Zorra, shtatori mbetet muaji ideal për mbajtjen e zgjedhjeve të parakohshme.
Por sipas tij, para se vendi të shkojë në zgjedhje, Qeveria Haradinaj duhet t’i jap epilog formimit të Asociacionit të komunave me shumicë serbe.
“Unë mendoj se shtatori mbetet muaj ideal për mbajtjen e zgjedhjeve, por para tyre institucionet e Kosovës duhet t’i japin epilog krijimit të Asociacionit të komunave serbe, sepse Lista Serbe nuk e voton shkarkimin e qeverisë pa u krijuar Bashkësia e komunave serbe dhe përfundimit të dialogut me Serbinë në Bruksel”, thotë Zorra për “Bota sot”.
Ndryshe, javën e kaluar LDK ka ftuar të gjitha partitë politike në një tryezë të përbashkët për të biseduar për temat e rëndësishme të vendit para mbajtjes së zgjedhjeve të parakohshme, pas hyrjes në krizë nga ana e Qeverisë Haradinaj.
