Kancelarja gjermane Angela Merkel, ishte takuar muaj me parë me Presidentin serb, Aleksandër Vuçiq, duke i kërkuar këtij të fundit të arrijnë një marrëveshje gjithëpërfshirëse për normalizimin e marrëdhënieve me Kosovën.
Kërkesa e Merkelit për normalizimin e marrëdhënieve Kosovë- Serbi, i është drejtuar vetëm palës serbe, pasi që pala e Kosovës nuk ka realizuar vizitë zyrtare në Gjermani.
Kryeministri Ramush Haradinaj, që nga marrja e mandatit të Kryeministrit nuk ka realizuar asnjë vizitë zyrtare në Gjermani.
Ky vend është vizituar së fundmi nga ish- Kryeministri Isa Mustafa dhe sipas Lidhjes Demokratike të Kosovës, mos vizita e Haradinajt në Gjermani dëshmon që Kosova ka nevojë për një Kryeministër të kalibrit të Isa Mustafës.
Anëtari i Lidhjes Demokratike të Kosovës, Bajram Gecaj, pohon se miqtë ndërkombëtarë janë lodhur nga “komandantët”.
“Mos vizita e kryeministrit Ramush Haradinaj në Gjermani, flet se Kosova ka nevojë për një kryeministër të kalibrit të Isa Mustafës, pasi që nga “komandantët” janë lodhur, jo vetëm qytetarët e Kosovës, por edhe miqtë tonë ndërkombëtarë”, thotë Gecaj.