Deputeti i NISMA-s Social Demokrate, Haxhi Shala në një prononcim për “Bota sot”, ka thënë se Demarkacioni miratohet sot në vazhdimin e seancës së jashtëzakonshme të Kuvendit.
“Demarkacioni kalon sot patjetër”, ka thënë Shala për “Bota sot”, por nuk ka treguar se deputetët e cilës parti do të votojnë pro kësaj marrëveshje.
“Deputetët e parlamentit të Kosovës, kush tjetër? Nuk e di se kush do të jenë deputetët, por e di që sot demarkacioni kalon sigurt”, ka shtuar Shala.
Ndryshe, në seancën e së martës pas një debati prej tetë orësh në mungesë të votave, votimi i demarkacionit është shtyre për të mërkurën.
deputetët e Lëvizjes Vetëvendosje dhe ata të Grupit të pavarur janë shprehur se ata do të votojnë kundër kësaj marrëveshje.
Kurse, Lista Serbe nuk është paraqitur fare në seancë.