Lëvizja Vetëvendosje ka nisur përsëri një iniciativë për krijimin e një Komisioni Parlamentar për ta hetuar veprimtarinë e Shërbimit Informativ të Kosovës (SHIK), duke shpresuar që do t’i mbledhë 40 nënshkrimet e nevojshme për krijimin e këtij komisioni.
Mirëpo a do ta votojnë deputetët e Lidhjes Demokratike të Kosovës një komision të tillë hetimor? Lidhur me ketë për “Bta sot”, flet deputetja e LDK-së, Hykmete Bajrami.
Ish Ministrja e Tregtisë dhe Industrisë, aktualisht deputete në parlamentin e Kosovës Hykmete Bajrami ka thënë se nuk mundë të formohet një komision ku LDK-ja nuk e ka shumicën.
“Ne e shohim të arsyeshme dhe patjetër që do ta bëjmë një gjë të tillë por vetëm atëherë kur jemi dhe do ta kemi shumicën e komisionit, dhe jo të hymë sa për të hetuar dhe dikush ta mbivotojë në fund një raport i cili do ta prodhojnë. Në kombinime të parlamentin çfarë jemi tani nuk mundet me u formu një komision ku opozita e ka shumicën, ne duhet me qenë në kombinim të tillë ku faktikisht LDK duhet të jetë ose në pozite ose diçka e ngjashme, ku në mënyrë kur të formohet komisionet e tillë hetuese Lidhja Demokratike e Kosovës ta ketë shumicën, LDK me qenë me grupin e shumicës, për momentin ne jemi Opozitë dhe si të tillë nuk e kemi shumicën”.
“Ne kemi diskutuar disa herë që ne nuk mundemi të fillojmë ta hetojmë dhe të mos nxjerrim asgjë si përfundim sepse do të prodhohet një raporti i cili do të mbivotohet në këtë rast nga partnerët e koalicionit edhe në qoftë se ne nuk pajtohemi me përmbajtjen e raportit, dhe kur kryhet një hetim, ai hetim është i mbyllur. Kështu që
LDK-ja e them për mendimin e ditëve të fundit, është në gjendjen ta bëjë në qoftë se bënë pjesë në shumicë”, ka thënë Bajrami.
Vlen të theksohet se Lëvizje Vetëvendosje tentoi që edhe në legjislaturën e katërt të formoje këtë komision mirëpo në atë kohe VV-ja i patë mbledhur 27 nënshkrime. Në legjislaturën e pestë i ka mbledhur 38 nënshkrime, ndërsa tani do duheshin 40 nënshkrime të nevojshme për një hetim gjithëpërfshirë