Republika e Kosovës dhe ajo e Shqipërisë po vazhdojnë të gjymtohen nga shtetet fqinje, por këtë herë edhe me fajin e politikanëve tanë.
Kështu, mendon Arbër Gashi, sekretar i përgjithshëm i Këshillit Koordinator të Ballit për Shqipëri Etnike dhe Kryetar i Sekretariatit Koordinator të Ballit Kombëtar për Europë dhe SHBA.
“Shqipëria dhe Kosova janë shtete të gjymtuara nga të gjitha anët. Fqinjët e shqiptarëve janë zgjeruar në tokat tona, i kanë dhunuar e masakruar shqiptarët. I kanë asimiluar me anë të fesë dhe shkollës së imponuar nga pushteti i tyre, kështu që, çdo bisedë për trojet e pushtuara të shqiptarëve nuk është e tepërt. Por, çfarë po ndodhë në realitet. Klasa politike e dalur nga doktrina dhe ideologjia sllavokomuniste e PPSh-së/PKJ-së, për interesa të pushtetmbajtjes me çdo kusht po bënë pazare të turpshme me trojet e shqiptarëve”, thotë Gashi për “Bota sot”.
Ai thotë se këtë realitet të ri, politikanët nuk po mund ta gëlltisin dhe mbulojnë me harresë, parulla patriotike etj.