Debati që nuk na duhej

Politika

Debati që nuk na duhej

Mimozë Lakna Nga Mimozë Lakna Më 14 shkurt 2018 Në ora: 22:42
Flamuri kombëtar

Politikanët e Republikës së Kosovës, dolën qesharakë sa i përket festimeve të 10 vjetorit të Pavarësisë.

Ajo që e pamë ditëve të fundit, lidhur me flamurin kombëtar, ishte me të vërtetë një “cirk”, një lojë me ndjenjat e qytetarëve.

Një flamur kombëtar, i vendosur tek Rrethi në Kryeqytet u bë “mollë sherri” ndërmjet përfaqësuesve të nivelit lokal dhe atij qendror në Kosovë. Askujt nuk i pengonte prania e flamurit kuq e zi, që tash e sa kohë ishte i vendosur aty, por se, prania e flamurit shtetëror të Republikës së Kosovës të njohur nga 114 shtete, do ta bënte më madhështore festën.

Nuk do të kishte asgjë të keqe nëse krah flamurit kombëtar do të vendosej edhe flamuri i shtetit të Kosovës. Zgjidhja ideale, të cilën si për sherr ose nuk e menduar ose nuk deshën ta mendojnë, komunarët e as Këshilli organizativ i festës.  

Mosmarrëveshjet ndërmjet politikanëve, përçuan frymën negative edhe ndër qytetarë. Disa, u mblodhën të martën mbrëma tek vendi ku do të vendosej flamuri i Kosovës, për ta kundërshtuar këtë akt. Këto momente u përcollën edhe me lajme të ndryshme, siç ishte ai, se disa persona kanë vjedhur flamurin e shtetit të Kosovës.  

(Tekstin e plotë mund ta lexoni të Enjten në publikimin e shtypur të gazetës kombëtare “Bota sot”)

commentFirst article
Sot mund të lexoni Shfletoni kopertinat