Nëse do mbaheshin zgjedhje të reja, këto mund ti fitonte nacionalisti i majtë Albin Kurti - dhe kjo do ndryshonte rajonin, shkruan Hannes Heine për median gjermane “Tagesspiegel”.
Fillimisht në median gjermane shkruan për ceremoninë e hapjes së katedrales “Nënë Tereza” në një vend me “shumicë muslimane”, ndërsa më pas i kthehet aktualitetit politik.
“Aleanca e njohur si e korruptuar e Ramush Haradinaj, nuk fitoi votat e pritura - dhe lideri opozitar Albin Kurti doli aq i fuqishëm sa së shpejti mund të ketë zgjedhje të reja. Atëherë Kurti përherë të parë pas ndarjes së Kosovës prej Jugosllavisë fillimisht dhe më pas nga Serbia, të jetë shefi i qeverisë,” përcjell botasot.info. “Kjo zemëron jo vetëm funksionarët shqiptarë të Kosovës, por edhe minoritetin serb.”
Më tej, sipas Heine, 42 vjeçari është kritik ndaj të gjithëve: prej rrjetit të elitës së UÇK, te trupat e NATO deri te oligarkët nga Turqia dhe Emiratet e pasura me naftë që kanë përfituar nga privatizimi i pasurive shtetërore. “Edhe përfaqësuesit gjermanë dhe amerikanë në Prishtinë, vetëm kohëve të fundit kanë biseduar me Kurtin.”
E paqartë është situata e Haradinaj
Vetëvendosja e Albin Kurtit fitoi rreth 28 përqind të votave dhe është partia më e votuar e vetme, ndërsa aleanca e PAN fitoi 34 përqind - larg numrave për të krijuar e vetme qeverinë.
“E paqartë është nëse duhet të përgjigjet përpara Gjykatës Speciale, ish ushtari i UÇK, Haradinaj. Nëse do fitonte Albin Kurti, atëherë për gjithë shtetet fqinje, por edhe për qeverinë gjermane, do vinin kohë të reja mbi Ballkanin.”
Shqetësimi i qeverisë gjermane është hezitimi i Kosovës për të aprovuar një “Plan Marshall” në rajon, që do bashkonte zonat ekonomike rajonale dhe krijimin e një Fondacioni Shkencor. Kjo do reduktonte azilkërkimin e shqiptarëve drejt Gjermanisë dhe do ulte papunësinë në Kosovë.
Në fund analisti gjerman i jep këshillë liderit opozitar.
“Shkalla e bashkëpunimit sipas gjitha gjasave varet nga Albin Kurti. Nacionalisti nuk duhet ta teprojë me krenarinë shqiptare. Për këtë ai duhet të mbështetet te biografia: pasi martoi norvegjezen Rita Augestad Knudsen, duhet të shpallej “tradhtar i atdheut” nga nacionalistët shqiptarë,” përmbyll shkrimin media gjermane./Bota sot/