Një dokument në të cilin Periskopi ka pasur qasje, thuhet se është oferta që LDK i ka bërë VV për ndarjen e pushtetit nëse arrijnë të dalin fitues në zgjedhjet e 11 Qershorit.
Nëse arrihet marrëveshja mes VV’s dhe LDK’s, siç flitet, pak a shumë kështu do të dukej ndarja e posteve mes koalicionit LDK-VV-AKR.
Sipas kësaj tabele, në listën zgjedhore LDK do të kishte 37 kandidatë, VV 31, AKR 21, Alternativa 5 dhe të tjerët 5 kandidatë. Ndërsa, në postet ekzekutive përkrahja për Presidentin do të rezervohet për AKR’n, ndërsa posti i Kryeministrit do t’i takojë kandidatit më të votuar mes VV’s dhe LDK’s. Po ashtu, posti i Kryetarit të Kuvendit do t’i takojë kandidatit të dytë më të votuar nga VV dhe LDK.
Sa i përket posteve ministrore, 4 ministri do t’i takojnë LDK’së, 4 VV’s, 3 për AKR’n e Pacollit, dhe 1 ministri për Alternativen.
Dokumenti nuk është zyrtarë, por burime të mediave kanë thënë se kjo është oferta që LDK i ka bërë për VV’në.
Megjithatë, e tëra ka pak gjasa të realizohet, marrë parasysh vonesat ligjore në KQZ, dhe refuzimin e ashpër që vie nga një pjesë e figurave kryesore të VV’s.