Këshilltar i kryeministrit Isa Mustafa, Faton Abdullahu, ka reaguar lidhur me mbajtjen e zgjedhjeve serbe edhe në Kosovë.
Abdullahu, në një postim në Facebook, ka shkruar se Kosova është ajo që do të ndikoj shumë që Serbia të mbetet më shumë Lindje e të bëhet më pak Perëndim, përcjell Bota sot.
Postimi i tij i plotë:
Zgjedhjet në Serbi ende me nyjen e pazgjidhur
KOSOVA ENDE DO TA MBAJ SERBINË NE LINDJE
Edhe me rastin e zgjedhjeve të sotme në Serbi, Kosova është ajo që do të ndikoj shumë që Serbia të mbetet më shumë Lindje e të bëhet më pak Perëndim. Për aq sa nuk ka pasur përkrahje nga BE, SHBA dhe NATO për politikat e saja ndaj Kosovës, Serbia do të rifreskoj, forcoj e begatoj, raportet me Rusinë. Dhe për aq sa është kështu, qytetarët e Serbisë edhe sot janë të shtrënguar që për të ardhmen e shtetit të tyre të zgjedhin më shumë Lindje e më pak Perëndim. Çmim i shtrenjtë për qytetarin e thjeshtë të Serbisë për të paguar agonin e determinuar nga gënjeshtrat historike./BS/
