Mesfushori belg, Radja Nainggolan, i cili gjatë javëve të kaluara ishte objektiv i Chelsea, ka kërkuar rinovimin e kontratës me Romën, por vetëm nëse drejtuesit e klubit i ofrojnë rritje page. 28 vjeçari dëshiron që kërkesat e tij të plotësohen para fazës play-off të Champions League.
Momentalisht futbollisti përfiton 4 milionë Euro në sezon dhe kërkesa e tij është që paga të shkojë në 5 milionë Euro.
Roma i ka shtyrë bisedimet për në shtator, pasi më parë do të dijë nëse mund të mbështetet në të ardhurat e Ligës së Kampionëve.
Ky është një lajm i mirë për Romën, pasi mund të mbulojnë disi hapësirën që la Miralem Pjanic, i cili u transferua te rivali, Juventusi.
