Sot, me 12 nëntor 2014 u bënë 8 vite pa ty i dashuri dhe i çmuari baba
E vështirë qenka të shkruhet përkujtim për Ty, o BABA i dashur. Amanetet e lëna nga Ti sa ishe gjallë i kujtojë dhe i zbatoj. Loti po më pikon duke shkruar këtë përkujtim, sepse malli dhe dhembja për Ty po shtohen gjithnjë. Asgjë më nuk është si më parë, të shohë në ëndërr dhe gëzohem se mendoj që je gjallë, por kur të më thuash" bac kam ardhur vetëm për tu parë" atëherë më kujton se na ke lënë përgjithmonë, e lotët nga sytë e mi nuk kanë të ndalur. Jemi krenarë që të patëm, sepse fjalët e Tua të mençura dhe amanetet do të jenë gjithmonë udhërrëfim për mua.
Përjetë do të jesh në zemrën time, sepse kam me çka të mburrem me Ty o baba i dashur.
Me mall të kujton: vajza KATARINA me familje nga Peja.
