Një shpërthim i fuqishëm ka ndodhur rreth orës 16:00 në periferi të qytetit të Pejës.
Shpërthimi që është filmuar edhe nga banorët e Pejës duket të jetë i madh mirëpo ende nuk ka informacione se çfarë ka ndodhur në të vërtetë.
Ajo që shihet në pamje, shpërthimi është regjistruar në periferi të qytetit, saktësisht në një mal.
Policia e Kosovës tashmë i është përgjigjur rastit dhe është duke shikuar se çfarë ka ndodhur.
“Njësiti policor tashmë ka shkuar në vendin e ngjarjes dhe do identifikojë se për çfarë shpërthimi është fjala. Sapo të kemi informacionet e para do ju informojmë”, ka thënë shkurt zëdhënësi i Policisë në Pejë, Xhevat Ibraj.
