Pa Reformën në Drejtësi nuk do të ketë emancipim politik, as demokratik dhe as juridik, si dhe as zhvillim ekonomik dhe as integrim për Kosovën në BE.
BE nuk pranon në gjirin e saj shtete të cilat kanë probleme demokratike, me sundimin e ligjit, me drogën, me krimin dhe me korrupsionin.Reformimi i sistemit të drejtësisë në Kosovë është detyrë jetike për popullin dhe për shtetin e Kosovës. Drejtësia është një nga kushtet kryesore të mbijetesës së një shteti sovran dhe të mirëqënë ekonomikisht.Reforma në drejtësi , ngritja e shtetit ligjor apo VETTING-u do t’u jipte qytetarëve shqiptarë liritë juridike, ekonomike dhe politike pa të cilat nuk ekziston dhe as nuk konceptohet sot shteti modern e demokratik. Reforma në drejtësi jep dhe garanton dinjitetin dhe personalitetin e individit, shtetit dhe të shoqërisë në një funksion dhe lidhje organike mes tyre. Reforma në drejtësi realizon barazinë e qytetarëve para ligjit dhe shtetit pa marrë parasysh statusin politik, ekonomik dhe shoqëror.
Sot në Kosovë këto nuk realizohen me keta politikanë, as me ketë politikë dhe as me këta gjyqtarë e prokurorë . Lind pyetja se ku mund të gjinden këta? Po ata duhet t’i importojmë nga BE dhe sidomos nga SHBA, por jo të gjithë . Nga andej duhet të marrim gjyqtarë të profilit të lartë profesional, me eksperiencë dhe të pakorruptuar, pra duhet të marrim gjyqtarë e prokurorë të profilit të madh. Kjo do të ishte e domosdoshme për një periudhë kohore tranzitore derisa të përgatitej një plejadë juristësh shqiptarë të afte profesionalisht, te pastër ,të papërlyer dhe të pa infektuar nga kjo shpurë pseudugjyqtarësh të inkriminuar, të korruptuar dhe të paaftë e të papersonalitet që dinë vetëm të vjedhin ,të korruptohen dhe të bëjnë pazare me ligjin.
Kjo sepse gjyqtarët dhe prokurorët shqiptarë ashtu sikurse edhe politika dhe politikanët shqiptarë nuk dinë se çfarë është drejtësia, as shteti, as demokracia dhe as personaliteti, dinjiteti dhe moraliteti njerëzor. Ata e kanë prishur si shtetin ashtu edhe sikurse e kane paralizuar dhe infektuar edhe shoqërinë shqiptare me veset e tyre prej injoranti, antihumaniteti dhe ligësie e padrejtësie. Kjo pra ka krijuar edhe terrenin shoqëror të tillë ku shoqëria nuk është përgatitur, as e edukuar dhe as e ndërgjergjesuar për rolin vendimtar që ka drejtësia në në një shtet për mirë funksionimin e shtetit dhe të shoqërisë si dhe të lirive dhe të të drejtave politike, juridike, ekonomike dhe sociale të individit dhe te shoqërisë .
Kjo është e vërtetë sepse po të kishim një shoqëri të fortë dhe të shëndoshë politikisht, juridikisht dhe demokratikisht kurrë nuk do të kishim pasur këtë gjëndje mjerane, dhe kurrë ky hajn, ky soj e ky sorollop politikani, pushtetari, gjyqtari e prokurori nuk do të ishte në këto pozita sunduese të politikes, te shtetit, të drejtësisë dhe të shoqërisë shqiptare. Prandaj them se Reformimi i drejtësisë në Kosovë eshte jetike për shoqërinë dhe për shtetin e Kosovës.Sundimi i drejtësisë e edukon edhe qytetarin shqiptar me atë se nuk duhet të hyhet në politikë dhe nuk synohen rrëmbimi dhe blerja e detyrave dhe e posteve shtetërore vetëm se prej tyre të jipet e drejta dhe mundësia për të vjedhur, për të abuzuar dhe për t’u pasuruar duke shfrytëzuar politikën , drejtesine dhe pushtetin. Kjo realisht është politikë dhe edukatë si në Shqipëri dhe në Kosovë, pasi kush po zgjidhet dhe kush po votohet, kush vjen në detyrë dhe në pushtet si individ apo si parti politike vetëm sa po e shton korrupsionin , hajdutërinë ,krimin dhe abuzimet me favorin që ua jep atyre pushteti dhe politika, korrupsioni dhe hajnija me ligj e pa ligj. Dhe prandaj Kosova nuk ka rrugë tjetër si emergjencë kombëtare, e cila është Reforma në Drejtësi dhe ndërtimi i shtetit ligjor.