Kriteret për një VETTING-u real në Shqipëri e Kosovë - Bota Sot
Kriteret për një VETTING-u real në Shqipëri e Kosovë

Opinione

E martë, 22 maj 2018

Kriteret për një VETTING-u real në Shqipëri e Kosovë

Nga: Skënder S.Kapiti Më: 13 shkurt 2018 Në ora: 16:14
Skënder S.Kapiti

Nuk do të ketë VETTING dhe as drejtësi as në Shqipëri dhe as në Kosovë poqese,

 së pari: pa u ndërgjegjsuar shoqëria për atë se asgjë e mirë nuk i vjen asaj nga korrupsioni, pa u ndërgjegjsuar ajo për rolin vendimtar dhe të pasfidueshëm për demokracinë dhe për konsolidimin e saj.

 Së dyti: nuk do të ketë as VETTING dhe as drejtësi pa pastrimin radikal të tërë sistemit të drejtësisë prej gjyqtarëve dhe prej prokurorëve aktualë të cilët janë përgjegjësit kryesorë të degradimit dhe të kriminalizimit të drejtësisë në Shqipëri dhe në Kosovë.Këtë e verteton vetëm një fakt: fakti se ka dy muaj që në Shqipëri ka filluar nga puna Kryeprokurorja e re znj. Arta Marku dhe Prokuroria menjëherë ka filluar të funksionojë dhe të ndjehen efektet e para të VETTING-ut sapo u largua ishkryeprokurori Adriatik Llalla, njëri prej penguesve kryesorë i cili beri gjithçka mundi si një ushtar i paafte ,i korruptuar dhe i bindur verberisht ndaj politikës për ta penguar miratimin e VETTING-ut ashtu siç është realisht ende i tërë sistemi politiko-juridik dhe krimo-korruptiv në Shqipëri dhe në Kosovë.

Së treti: Nuk do të ketë VETTING në politikën shqiptare pa një Reformë të Kodit Zgjedhur, pa një reformë e cila t’ua kthejë votuesve shqiptarë të drejtën demokratike që populli të zgjedhe deputetët dhe pëfaqësuesit e tij, dhe jo populli të votojë deputetët të cilët i zgjedh kryetari i partisë , ashtu siç veprohet sot.

Së katërti:Nuk do të ketë VETTING dhe kthim të besimit te drejtësia pa ndëshkuar me votë të lirë dhe pa u ndëshkuar edhe penalisht politikanët dhe pushtetarët e korruptuar dhe të mbushur me rekorde kriminale, qofshin ata ish-ët  apo që janë edhe aktualisht si ministra, kryeministra, deputetë, prokurorë, gjyqtarë dhe gjithfarë të tjerësh kryetarë komunash e Bashkish, drejtorë, administratorë etj.

 Së pesti: duhet një ndëshkim dhe VETTING rrënjësor për të gjithë elitën politike dhe atë shoqërore të të gjitha partive politike dhe të shoqërisë civile shqiptare të cilat kanë marrë peng politikën, pushtetin, shoqërinë, drejtësinë, krimin dhe korrupsionin në Shqipëri dhe në Kosovë.

Së gjashti: Të gjitha këto sot nuk ka mundësi për t’i realizuar politika , drejtësia dhe madje as shoqëria shqiptare pa ndërhyrjen dhe rolin vendimtar të SHBA-ve , sepse politika, drejtësia dhe shoqëria civile në Shqipëri e Kosovë nuk funksionojnë ligjërisht dhe as demokratikisht sepse janë paralizuar nga korrupsioni dhe krimi.

Sot mund të lexoni Shfletoni kopertinat
Sondazh
test